by

EDTL-EP Municipio Lautem Marka Audensia ho Comunidade Suco Lore Segundo

RCL VP NEWS 08/11/2021

Atu Koalia kona ba lala`ok Instalasaun Kontador Prepago ba Konsumidores EDTL Iha Suco Lore Segundu mak sai Objetivo Geral ba Enkontro Entre Eletricidade Timor Leste Empreja Publico ga EDTL – EP Municipio Lautem ho Comunidade Sira nebe nudar Consumidores EDTL Iha Suco Lore Segundo , Posto Administrativo Lospalos , Municipio Lautem iha Cede Suco Lore Segundu Segunda Feira 08/11/2021 .

Supervijor EDTL-EP Municipio Lautem , Sikito dos Santos liu husi Enkontro ne`e hateten katak , Instalasaun Kontador Prepago ba Comunidade Sira nia Uma ne`e hanesan Programa Estado nian ,nune`e Povu iha Municipio Lautem nebe Uja Ahi Eletricidade Obrigado tengki Uja Kontador Prepago , Nune`e bele hatama Reseitas ba Kofre Estado nian.

Sikito mos hateten katak , dada`un ne`e Governo Timor Leste Aloka Osan ba Eletricidade de Timor Leste Empreja Publika Gere Buka hikas Osan hatama ba Governo hodi aloka hikas ba Prosesu Dejenvolvimento iha rai laran , liu-liu ba Municipio Lautem .

‘’ Instalasaun Kontador Prepago ne`e nudar Programa Estado nian , no Ami nudar Tecnico iha Nivel Municipio Ejekuta Ordem de Servisu , hau nia Prejensa iha Suco Lore egundo ne`e , la`os Pesoal no mos la`os tan Relasaun Familia , maibe hau nia Prejensa iha Suco ida ne`e Lori Ordem Servisu , Governo Central Liu husi Eletricidade de Timor Leste Empreja Publica, tamba iha Lei EDTL Hakerek momos ona katak , Consumidores EDTL EP hotu Iha Nasaun Timor Leste iha Obrigasaun atu , Uja Prepago hodi Kontribui ba Prosesu Dejenvolvimento iha Rai laran , tamba Governo Aloka Orsamento ba Servisu EDTL-EP Nian , hodi Buka Hikas Osan ba Kofre Estado hodi Ejekuta ba Dejenvolvimento iha Rai laran ‘’Hateten  Supervijor EDTL-EP Municipio Lautem , Sikito dos Santos liu husi Enkontro Comunitario nebe hala`o iha Suco Lore Segundo Segunda Feira 08/11/2021 .

Supervijor EDTL-EP Ne`e mos Husu ba Comunidade Sira atu Kolabora no kontribui ba Actividades EDTL –EP Nian wainhira Atu Instala Kontador Prepago iha Ita nia Uma , tamba ita nia Kolaborasaun no Kontribuisaun bele Asleira Prosesu Dejenvolvimento iha rai laran .

‘’ Hau husu ba Komunidade Sira nebe nudar Klientes ga Consumidores ba Energia Ahi Eletricidade iha Suco Lore Segundu , atu Kopera no Kontribui ho Tecnico EDTL-EP Nian , Wainhira hala`o Prosesu Instalasaun Kontador Prepago iha ita nia Uma , tamba ho Ita nia Kontribuisaun no kolaborasaun bele halo Susesu Servisu Tecnico Sira nian , nune`e mos Kontribui ona Prosesu Dejenvolvimento iha rai laran ‘’ Tenik Sikito .

Entretanto ; Tecnico EDTL-EP hahu Monta Kontador Prepago Simbolikamente iha Chefe Suco , Reprejentante Chefe Aldeia no Reprejentante Veteranos iha Suco Lore Segundo , no Tuir Planu Sei kontinua ba Komunidade Sira nia uma hotu.

Jornalista:SDC

Editor:Nascimento Provincial

 

Comment