RCL VP NEWS 11/11/2021
Sekretariu Estadu Formasaun Profesional Emprego (SEFOPE) hatete , SEFOPE mak hanesan matadalan ida hodi bele dezenvolve no kapasita Foin Sae sira atu oinsa bele moris diak no kompete iha merkado rai laran no mos rai liur.
Sekretaru Estadu Formasaun Profesional Empregu , Julião Da Silva kasu lia hirak ne`e liu husi serimonia inagurasaun Edificiu SEFOPE Municípiu Laútêm nebe Lokalija iha Vila Lospalos Quinta feira 11/11/2021 semana ne’e.
Governante ne’e ,husu ba servisu administrasaun Municípiu Laútêm no Entidades sira hodi kontinua kopera ho diresaun SEFOPE Municípiu Laútêm hodi lori Juventude sira ba Moris diak, tamba SEFOPE nia papel ida mak oinsa atu hadia ema nia moris hodi moris diak liu tan iha futuru.
“SEFOPE mak hanesan odamatan ida, ba ita nia joven sira, atunune’e hadia sira nia kapasidade, atu fo hanoin ba sira no f formasaun ba sira , kampu de traballu ruma iha sei liu husi ida ne’e, tamba ne’e mak husu husi a sua excelencia administrador no mos instituisaun sira hotu atu lolo liman ba malu fo apoiu malu, tamba SEFOPE nia papél ida mak atu hadia ema moris, óinsa moris diak liu tan,” Julião haktuir iha nia intervensaun serimonia inagurasaun ba reahabilitasaun Edificiu SEFOPE Municípiu Laútêm central Lospalos Quinta ne’e.
Governante ne’e salienta, Juventude Laútêm nia partisipasaun kompetisaun iha rai liur no rai laran ne’e bo’ot los, ho nune’e presija dirasaun hot-hotu nia apiou oinsa bele kapasiata joven sira liu husi area formasaun oi-oin.
“Joven sira atu hetan informasaun ne’ebé diak hodi hadia sira nia kapasidade sei liu husi fatin ida ne’e, ba inan aman sira hotu, ba instituisaun hotu no ba cargo xefia sira atu fo tulun ba ami nia Directora atunune’e bele atinge sira nia metas ne’ebé SEFOPE nia hakarak iha future, tamba Laútêm nia partisipasaun joven barak la halimar, atu kompete iha merkadu Rai Liur no Rai Laran, maibe preisja mos ita boot sira hot-hotu nia tulun oinsa atu sira bele kapasita sira nia a’an liu husi area formasaun, liu husi informasaun ne’ebé maka, mai husi Nasional karaik bele para iha ne’e, atunune’e bele espalla nba joven sira atunune’e sir abele komprende no mos bele kompete,” Governante ne’e salient.
Entertantu : iha biban ida ne’e, governante ne’e mos fo agradese ba instituisaun hot-hotu iha Municípiu Laútêm ne’ebé durante ne’e apoiu servisu diresaun SEFOPE Municípiu Laútêm nian.
Jornalista:ito
Editor:Nascimento Provincial
