by

Moras Me`ar  , Isin Manas no Diarea mak Domina iha Sentro Sa`ude Lautem

RCL VP NEWS 17/11/2021

Chefe Centro Sa`ude Lautem Municipio Lautem hateten katak , Relasiona ho Tempu Udan, Centro Sa`ude Lautem , hala`o atendimento ba Labarik Sira nebe ho Isin Manas , Me`ar no Diarea , no ba dada`un ne`e Centro Sa`ude Atende los de`it ba Pasiente sira nebe Afeta moras hirak ne`e .

Chefe Centro Sa`ude Lautem , Municipio Lautem Adelino da Costa Viegas ba Jornalista RCL Tersa Feira 16/11/2021 ne`e hateten katak , Moras Me`ar , Isin Manas , no Diareia Domina iha Nivel Centro Sa`ude Lautem , tamba Kauja Husi Udan nebe Monu Rai , Nune`e Centro Sa`ude Kontinua hala`o Promosaun Saude ba Komunidade Sira , oinsa bele Prevene Moras hirak ne`e wainhira Tempu Udan .

Chefe Centro Sa`ude Lautem ne`e mos hateten Katak , Centro Sa`ude nebe nia Chefia ne`e kontinua halo Pomosaun Kona ba Moras Malaria , tamba Programa Malaria mos durante ne`e Distribui Muskateiro ba Komunidade sira , liu-liu Inan Isin Rua Sira hodi Prevene Malaria.

‘’ Durante Ida ne`e tamba Komesa Udan Monu Rai ona , Labarik Barak mak mai iha Centro Sa`ude ho Isin Manas , Diarea no Me`ar , nune`e Moras hirak ne`e mak Domina iha Nivel Centro Sa`ude Lautem nian , no Liu Husi Programa Malaria mos , Ami nia Centro Sa`ude ne`e halo Promosaun kona ba oinsa Prevene Moras Malaria , no Distribui Muskateiro ba Komunidade Sira , liu-liu Inan Isin Rua sira nomos Labarik Tinan 5 Mai Kra`ik , hodi Prevene nafatin Moras Malaria , maske Municipio Lautem Deklara ona Zero Moras Malaria ,

Husu Kona ba Preparasaun Aimoruk , Chefe Centro Sa`ude ne`e Konfesa katak , Aimoruk Aitem balun Stok out iha Nivel Nasional to`o iha Nivel Centro Sa`ude , inklui Centro Sa`ude Lautem nian , nune`e Husu ba Komunidade Sira atu tau atensaun ba Ambiente nebe iha , atu labele Kria Susuk ba ita nia A`an .

‘’Kona ba Aimoruk Aimoruk Aitem balun Stok out iha Nivel Nasional to`o iha Nivel Centro Sa`ude , inklui Centro Sa`ude Lautem nian , nune`e Husu ba Komunidade Sira atu Hamos ita nia Ambiente nebe foer , atu labele Kria Fatin Susk atu Moris iha Laran no tata ita , tamba Moras Malaria ne`e mai husi Susuk .

Entretanto; Profesional Sa`ude iha Centro Sa`ude Lautem , kontinua halo Promosaun Sa`ude ba Komunidade Sira iha Suco no Aldeia , atu bele Prevene Moras iha Tempu Udan , Nune`e mos Husu Komunidade Sira atu bele hakat lalais ba Centro Sa`ude nebe Besik atu nune`e bele hetan asistensia wainhira hetan Moras Ruma .

Jornalista:CC

Editor:Nascimento Provincial

Comment