RCL VP NEWS 17/11/2021
Servisu Municipal Agricultura ga SMA Municipio Lautem , to`o agora Infrenta hela Sistema Manutensaun ba Traktores nebe Avaria , hodi Difikulta ba Prosesu Fila To`os Komunidade nian iha Municipio Lautem , tamba Trator hirak nebe hala`o nia Operasaun ho kondisaun la favoravel .
Chefe Departamentu Agrikultura , Hortikultura no Extensaun Municípiu Laútém Manuel Madeira Savio ba Jornalista RCL Iha nia Kna`ar fatin Quarta Feira 17/11/2021 ne`e hatetekatak , Nia parte Rekonyese duni Preukupasaun Komunidade nian , tamba Udan Monu Rai oma maibe to`o agora Programa Fila Rai sida`uk Kobre ba Agricultores sira , tamba Servisu Municípiu Laútém infrenta hela Sistema Manutensaun ba Traktor sira.
Chefe Departamento ne`e mos hateten katak , Traktor iha Municipiu Lautem Kuaje Unidade Ha`at nolu resin Ida (41) maibe to`o agora Unidade Tolu nolu (30 Unit) mak Avaria total no Trator Unidade Sanolu resin Tolu mak mak Sei Fungsiona maibe ho Kondisaun la Estavel , nune`e Difikulta tebes ba processo fila rai iha Municípiu Laútém ba Epoka ida ne`e .
“Agrikultor sira tau kestaun ne’e los, maibe Ami Servisu Agrikultura Municípiu Laútém infrenta problema ba époka ne’e , tamba Unidade Traktor ne’ebé uluk ita hetan husi Ministeriu Agrikultura e Peskas ne’e Unidade 41, kada tinan sempre hasoru problema kona-ba Manutensaun boot no kiík, entaun ba kategoria manutensaun boot ne’e, ita orsamentu laiha atu hadia, tamba ne’e mak traktor tinan-tinan a’at to’o iha époka koletivu tinan 2021- 2022 iha deita traktor Unidade 13 , Unidade 9 kolaka iha Postu Lospalos no Unidade 4 ba Postu 4 ‘’ hateten Manuel Madeira Savio ba Jornalista RCL iha nia servisu fatin Kuarta Feira ne’e.
Manuel ne’e mos akrecenta, maske udan be’en monu Rai ona, maibe processo Fila Rai ba époka 2021- 2022 nian iha Municípiu Laútém kontinua la’o normal, no nia problema mak traktor sira sempre a’at loro-loron.
“Mesmu agora Udan , Fila Rai mos sei namanas, ida ne’e maka durante periodu ida ne’e programa fila rai ne’e la’o, maibe nia problema mak traktor ne’e sempre a’at lor-loron , entaun ita planu atu loron ida ba fila ema nain 3 nia to’os ne’e menus tan deit, dalaruma loron ida mos nem fila ema ida nia to’os la’os operador sira mak lakoi maibe traktor ma a’at,” Manuel akrecenta.
Manuel Madeira mos husu nafatin ba comunidade iha munisipio lautem katak , Komunidade sira tenke iha laran luak hodi simu realidade nebe iha , tamba agora dadaun tractor nebe fila Komunidade sira nia to’os nia Kondisaun la favoravel , maibe sei buka Meios hodi Fila hotu Agricultores sira nia To`os nebe to`o agora sida`uk kobre iha Tinan oin .
“Hau hanoin Comunidade sira nebe to’os seidauk fila ne’e desde ami nia carta informasaun nebe ami formula hamutuk no ami sirkula halo rauniaun boot ida iha MAP no ami apela ba Autoridade Local hotu-hotu katak situasaun nebe ita infrenta ne’e Autoridade hatene no intende hodi esplica ba nia Agricultores sira nudar motivasaun katak existensia tractor nia limitasaun iha tinan ida ne’e ita hasoru nia probalema mak ne’e , karik balu-balun hakarak haluan nia area to’os no hakarak kuda aihan barak liu tan tenke uja ho nia maneira rasik , maibe labele depende ba tractor no husu mos ba agricultura hotu-hotu nia laran luak simu kondisaun stadu ninia dificuldade ida ne’e , no oinsa mak ita fornese ba ita nia necesidade ida ne ‘e no mai husi ita nia liman fuan sanolu ne’e no mai husi ita nia maturnidade nudar agricultur ne’e ita lao tuir ida ne’e , no Governo la taka matan ba ninia Agricultor sira , maibe kondisaun nebe ita infrenta liu-liu ba tractor no ami sei buka hela ninia problema no sei buka nia solusaun ba problema hirak ne’e , karik laos tinan ida ne’e maibe sei iha tinan oin no tempu ruma tractor hirak sei halo normal fila fali”
Entertantu : Responsavel Departamentu Agrikultura no Hortikultura Municípiu Laútém informa, ba dadaun ne’e processo programa Fila Rai iha Municípiu Laútém seidauk atinge Targeto nebe Ministerio Agricultura no Peskas hatu`un tamba Problema iha Sistema Manutensaun ba Trator .
Jornalista:ito
Editor:Nascimento Provincial
