by

Familia haloot ona Mate Isin Saudozu Coronel DOMIN iha Jardín Heróis Laútém

RCL VP NEWS 19-2021

Familia no Instituisaun Falentil  Forsa Defeza Timor-Leste (F-FDTL)  hamutuk ho Guvernu, Kinta Feira 18/11/2021 Loraik Tuku 3 Liu , halo`ot ona Mate isin Saudozu Coronel Domingos Da Costa Santos ho kodigu DOMIN iha Jardín Heróis da Pátria Postu Administrativu Lospalos Municípiu Laútém.

Saudozu hakotu Iis iha Ospitál Nasiónal Guidu Valdares Dili iha Sabadu Dader, Loron 13 fulan Novembru tinan 2021 tamba sofre moras Respiratoriu no pozitivu Kovid19.

Saudozu moris iha aldeia Loikeru, Suku Mehara, Postu Administrativu Tutuala  Municípiu Laútém iha loron 1 fulan Janeriu 1966, saudozu oan daruak husi aman Roberto Da Costa Gomes no inan Sara Luseu , no Saudozu husik feto faluk no oan kiak nain 3 kompostu husi mane 2 no feto 1.

Sauduzu hahu Involve  iha Prosesu Luta Libertasaun Nasional iha fulan Fevereiru 1976 to’o 1976 nudar Elementu Uniaun Estudantes Timorense, iha tinan 1977 sauduzu hetan kaptura husi Militar Indonezia mai iha nia knua Loikere, iha fulan setembru tinan 1977 Saudozu hahu envolve iha Organizasaun Asosiasaun kamaradagen Demokrata Indonezia, iha loron 7 fulan dezembru tinan 1977 to’o loron 30 fulan Abril tinan 1981 Saudozu nuudar Membru ida ba Organijasaun Loriku Paichau iha lina Frente Klandestina.

Reprezentante Familia, Fidel dos Santos ba Jornalista sira iha Osuario Assalainu Lospalos Municípiu Laútém Kinta Feira loraik ne’e hatete, familia sente triste tamba lakon aman no tiun diak ida iha sira nia le’et maibe nudar umanu tenke simu realidade ida ne’e , tamba ne’e maromak Nia planu.

“hanesan ita umanu sente lakon bo’ot tamba ba ema ne’ebe ita oferese a’an tomak atui defende nia mais ita la konsege salva nia vida ida ne’e mak sentimentu ne’ebe kona los ita nia fuan maibe ne’e maromak nia planu, ita ema so simu deit realidade ne’ebé mak iha,” Fidel dos Santos fidel dos santos hatete.

Sorin seluk Kolonel F-FDTL Ejinho das Neves ho kodigu Supermen hatete, hanesan sobrevivente ida sente triste liu fali familia sira sente , tamba uluk iha Ai laran situasaun defisil ami sempre hamutuk maibe to’o tempu nia hetan moras, ami hare malu iha vidro tamba deit nia hetan pozitivu kovid19.

“ Mais ami kontinua ho brani, hanoin malu tamb ami oituan ona , ami kalan,  hau ho komadante Leti Orasiu ami ba kous nia lori sae husi inimigu nia fatin konsege slava nia vida, triste liu iha situsaun a’at saida deit mos hau kous nia mais tempu nia moras tamba deit korona hau ba Vidro hare deit triste liu fali Familia sente, ke ami nunka husik malu iha situsaun defisil,” Kolonel Neves.

Maijor F-FDTL Tenente General Lere Anan Timor mos hatete, hanesan Maijor F-FDTL reprezenta Estrutura Instituisaun F-FDTL nia naran  hato’o tristeza bo’ot  ba Souduzu Domin ne’ebe husik ona mundu ida ne’e ba Mundu seluk , no instituisaun refere lakon Kolonel diak ida tamba durante nia sei moris nia sempre Leal ba nia instituisaun no ba nia komadante.

“hau lori hau nia naran rasik, hau nia family tomak hau nia genarasi  ofisias hotu-hotu instituisaun nia naran, ami hato’o ami nia Tristeza, laran susar, mata be’en ba ita nia kompañeiru DOMIN ne’ebé husik ona ita , hau hanoin ita lakon boot liu-liu ba instituisaun komadante ne’ebé ke diak Leal ba nia Instituisaun no Leal ba nia komadante tamba ne’e maka hau haruka ba Portugal atu sai matan, sai tilun, sai ibunm ba instituisaun Forsa Defeza Timor-Leste,” General Lere Anan Timor hatete.

Entertantu : Serimónia Funebere ba Saudozu Domin ne’ebé hala’o iha Jardín Heróis Pátria Postu Administrativu Lospalos Municípiu Laútém ne’e hetan partisipa direita husi Maijor F-FDTL Tenente General Lere Anan Timor, General Aluk , Kolonel Neves, Membro Parlamentu sira, Membro F-FDTL, Membro PNTL, CCLN Nasional no Municipal no mos Entidades sira hotu

Jornalista:Ito

Editor:Nascimento Provincial

Comment