by

Rehabilitasaun Edificiu CSI Lospalos no Uma Hein Tur Ahi paradu total

RCL VP NEWS 24/11/2021

Prosesu Rahabilitasaun Edifisiu Centro Saúde Internamentu (CSI) Postu Administrativu Lospalos , Municípiu Laútem no Uma Tur Ahi , Kontinua paradu Total tamba kompañia Action For Change Foundation ne’ebé kaer obra refere la iha ona responsabilidade , Nune`e parte nebe Kompetente , tengki Responsabilija ba Asuntu ida ne`e .

Lia hirak ne’e hato’o husi Xefe Centru Saúde Intreinamentu Lospalos, Justino Dos Santos ba Jornalista RCL iha nia knar fatin Quarta Feira 24/11/2021 ne’e.

Chefe Centro Sa`ude Lospalos ne`e mos haktuir tan katak , tuir lolos Prosesu Rahabilitasaun refere  nia durasaun fulan tolu deit hahu husi fulan Marsu to’o Maio tinan ida ne’e , maibe hare’e ba kuaze tinan ida ona paradu , tamba ne’e nia parte konfirma kedan ba nain kompañia liu husi via telefone maibe la iha resposta .

“Ida ne’e problema liu! tansa mak hau hatete problema katak, ida ne’e lolos ne’e sira mai rehap ne’e fulan 3, sira mai iha Marsu tinan 2021 maibe to’o adata hanesan atu tinan ida resin ona nafatin seidauk finaliza, kompañia ida bee kaer ne’e , hau telefone mos dalaruma nia la simu porque nia kala hatene ona, hau nia nomor telefone entaun nia la simu, ne’e mak ita hare paradu ona,” dehan Justino Dos Santos Justino Dos Santos ba Jornalista RCL iha nia knar fatin Quarta Feira 24/11/2021 ne’e.

Justino ne’e mos informa, ita labele fo obra ne’e ba kompañia seluk hodi kontinua , tamba Montantante orsamentu ne’ebé Apoiu husi Embaixada Japaun ne’e fo hotu ona ba Kompañia ne’ebé uluk kaer obra refere , nune`e Difisil liu wainhira ita Transfere obra ne`e ba Kompainia seluk .

“ Hau hanoin Ida ne`e ita labele Tranfere Obra ne`e ba Kompiania Seluk , tamba Montante Orsamento ba Rehabilitasaun ne`e Entrega hotu ona ba Kompainia Action For Change Foundation  , no Orsamento ida ne`e Apoia husi husi Embaixada Japaun , ida ne’e oinsa atu fo fali ba kompañia seluk ne’e hau hanoin la iha, kecuali sira ne’e mak tenke buka osan oinsa para atu mai finaliza sasan sira ne’e,” Justino informa.

Entertantu: Ida ne`e Kompainia Sira hahu Loke ona ita nia Matan , no ita nia Tilun atu Tetu no Justifika Antes Kompainia sira nia Kapsidade , antes Entrega Projecto Ruma , tamba Kompainia barak mak hakarak Lukru De`it , no la interese ba Kualidade.

Jornalista:Ito

Editor:Nascimento Provincial

 

Comment