RCL VP NEWS 25 /11/2021
Radio Comunidade Lospalos Vox Populy ga RCL VP Iha Municipio Lautem , Servisu Hamtuk ho Asosiasaun Radio Komunitario Timor Leste ga ARKTL nebe Apoio Fundus husi Governo Alemanya GIZ Iha Timor Leste , Quinta Feira 25/11/2021 ne`e , hala`o Cerimonia Lansamento ba Programa Redusaun Violensia Hasoru Feto no Labarik Feto iha Estasaun Radio Lospalos .
Programa Ida ne`e hanaran Programa Kampanye ba Redusaun Violensia Hasoru Feto no Labarik Feto, nebe Foka liu ba Implementasaun Igualidade Generu iha Familia , Comunidade no Sosiedade , Nune`e Feto no Labarik Feto Sira bele hetan Oportunidade Foti Desijaun hanesan ho Parseiro Mane Sira.
Gestor Radio Comunidade Lospalos , Nascimento Provinçial Liu husi Cerimonia Lansamento ne`e hateten katak , nia Parte Sente Orguilho ho Implementasaun Programa Ida ne`e , tamba Liu husi Programa ida ne`e bele fo Oportunidade tomak ba Feto no Labarik Feto Sira kona ba Implementasaun Igualidade Generu iha pais Ida ne`e , Inklui Municipio Lautem .
Gestor Radio Ne`e mos Informa katak , Programa ida ne`e la`os Produs no Transmite iha Radio Comunidade Lospalos de`it maibe , Produs no Transmite iha Radio Ha`at Mak hanesan , Radio Comunidade Povu Vique-que , Radio Komunidade Lian Matebian Baucau , Radio Comunidade Loriku Lian Dili no Radio Komunidade Lospalos.
‘’ Hau Sente Orguilho ho Implementasaun Programa Ida ne`e , tamba Liu husi Programa ida ne`e bele fo Oportunidade tomak ba Feto no Labarik Feto Sira kona ba Implementasaun Igualidade Generu iha pais Ida ne`e , Inklui Municipio Lautem , Programa ida ne`e la`os Produs no Transmite iha Radio Comunidade Lospalos de`it maibe , Produs no Transmite iha Radio Ha`at Mak hanesan , Radio Comunidade Povu Vique-que , Radio Komunidade Lian Matebian Baucau , Radio Comunidade Loriku Lian Dili no Radio Komunidade Lospalos ‘’ Informa Gestor Radio Comunidade Lospalos , Nascimento Provinçial Liu husi Cerimonia Lansamento Quinta Feira 25/11/2021 ne`e iha Estasaun Radio Lospalos.
Iha Fatin Hanesan Reprejentante Prejidente Konselu Radio Comunidade Lospalos , Lizia Maria de Fatima hateten katak ,Ita agradese tamba Politika Mundia nian ne`e Dinamika , no Mudansa ba bebe`ik , tamba Ema Hotu Preukupa los ba Feto oinsa Promove Feto , atu bele hakat hanesan ho Mane Maluk Sira iha Mundu ida ne`e .
‘’ Ita Presija Agradese ho Politika Mundu nian nebe Dinamika , no Mudansa ba bebe`ik , tamba Ema Hotu Preukupa los ba Feto oinsa Promove Feto , atu bele hakat hanesan ho Mane Maluk Sira iha Mundu ida ne`e , Nune`e Radio Comunidade Lospalos nebe sai hanesan Media Local ida iha Municipio Lautem Hatudu Ona , hodi Publika Feto nia Lian , no Promove Direito Feto hodi Hetan Oportunidade ba iha Nivel Desijaun Sira ‘’ Dehan Konselu radio Comunidade Lospalos Lizia Maria de Fatima.
Alende ne`e Pontu Fokal Secretariado Estado Igualidade no Inklujaun ga SEII Municipio Lautem , Leojita da Costa hateten katak , Programa Radio Nebe Radio Lospalos Halo ne`e hola parte ba Programa Abordagen Integrado Generu , tamba Servisu ida ne`e la`os SEII Mesak de`it maibe Presija Kolaborasaun Servisu , hafoin bele Redus Violensia hasoru Feto Labarik Feto iha Municipio Lautem .
‘’ Hau hanoin Sa`ida mak Radio Komunudade Lospalos nudar Media Local iha Municipio Lautem Halo ne`e Hola Parte ida ba Abordagen Integrado Generu , tamba Servisu ida ne`e la`os SEII Mesak de`it , maibe Presija Kolaborasaun Servisu , hafoin bele Redus Violensia hasoru Feto Labarik Feto iha Municipio Lautem , Nune`e Media mos iha Papel Importante ba Asuntu ida ne`e , nune`e hahu husu nafatin ba Entidades Relevantes Inklui Media Sira , atu ita bele hamutuk hodi Redus no Kontra Violensia Hasoru Feto no Labarik Feto iha Municipu Lautem’’hateten Pontu Fokal Secretariado Estado Igualidade no Inklujaun ga SEII Municipio Lautem , Leojita da Costa Liu husi Cerimonia Lansamento Programa Radio kona ba Redusaun Violensia Hasorus Feto Labarik Feto iha Estasaun RCL VP Quinta Feira 25/11/2021.
Entretanto Programa ida ne`e sei Transmite liu husi Radio Komunidade Lospalos , Radio Komunidade Lian Matebian Baucau , Radio Comunidade Povu Vique-que no Radio Loriku Lian Dili , hahu husi Loron Lansamento to`o Janeiro tinan oin .
