Friday, March 29, 2024
spot_img
HomeFoto GaleriaSekretariu Estadu ba Asuntu Kombatentes Libertasaun hala’o Socializasaun iha Postu Administrativu Lospalos.

Sekretariu Estadu ba Asuntu Kombatentes Libertasaun hala’o Socializasaun iha Postu Administrativu Lospalos.

RCL VP NEWS 30/11/2021

Atu koalia kona ba Prosesu Levantamento dadus Kombatentes no Martires Libertasaun Nasional Nian , Alterasaun Decreto lei kona ba Cemiteiro Espesial no Fundus Investimento Veteranos nian mak sai Objetivo ba Enkontro Sosialijasaun nebe hala`o Husi Sekretariu Estadu ba Asuntu Antigus Kombatentes Libertasaun Nasional Tersa Feira ne’e (30/11/2021), Iha Salaun Cultura , Postu Administrativo Lospalos , Municipio Lautem .

Sekretariu Estadu Asuntu Antigus Kombatentes Libertasaun Nasional, Gil da Costa Monteiro, Oan Soru ba Jornalista RCL hafoin halo Abertura ba Socializasaun ne’e hatete, Programa Socializasaun ida ne’e hahu hala’o ona iha tinan Rihun Rua Sanolu Resin Walu (2018) to’o agora , ho objektivu ida atu bele informa Politika Veteranus nian ba Veteranus sira oinsa bele komprende no moris Tuir.

Governante ne’e mos esplika katak, Politika Levantamentu Dadus tuir uma Lisan ne’ebé hala’o ona iha kada Postu Administrativu sira iha teritoriu Timor-Leste ne`e, atu bele identifika lolos Veteranus hira mak mate no sei Moris Durante Luta Libertasaun Nasional , no Politika  Dekretu Lei Semiteriu especial ne’e atu regula Heroi sira nia Mate isin no mos Politika Fundus investimentu ne’e atu kua veteranos sira nia osan hamutuk $ 30 kada fulan hodi Rai iha Banku atu investe hikas ba Veteranus ida-idak iha Futuru karik presija.

“Programa ba Socializasaun ne’e Uluk ita halo hahu iha 2018 hahu husi Municípiu Aileu mak mai, agora objektivu husi Socializasaun iha Tempu ne’eba ne’e koalia kona-ba Politika oinsa mak Veteranus sira ne’e kua sira nia osan hodi cria Fundus Propriu ida ba sira ne’e Primeiru, segundu ita kuandu kua ona osan ne’e ita hamosu tan katak  tenke lori Dekreru Lei Semiterio Espesial nian mai hotu aprejenta ba sira no Politika levantamentu dadus tuir uma lisan ba ema hot hotu ne’ebé mate ba Ukun Rasikan hahu husi 75  to’o mai 99 ita tenke lori mai dala ida, atu nune’e sir abele intende lolos objektivu politika ne’e ba Saida, mais em principiu aktividade Levantamentu dadus tuir uma lisa ne’e iha teritoriu tomak la’o hela hotu inklui Lospalos la’o hela agora ba iha faze rekolla deit dadus sira para aban bainrua atu nune’e it abele seleksaun lolos hodi sura ita nia ema hira mak mate ba ukan aan, tuir ida ne’e mak Dekretru Lei Semiteriu Espesial ne’e atu haklaken ba ita nia kombatetentes sira atu nune’e sir abele hanoin katak laos kombatenete ne’e ba hakoi iha metinaru ne’e mak sai heroi ne’e lae hakoi iha fatin fatin mos ne’e heroi hotu mais tenke prepara ida-idak nia Istoria por eskrita ho nune’e estadu bele prepara fatin konservatoriu istoria nian rai iha ne’eba, agora tuir ida ne’e mak politika kua osan ninian ne’e liu-liu osan $ 30 ne’ebé ita kua agora halo ona fulan 23 no osan ne’e ba futuru atu halo saida ne’e mak importante,” dehan Oan Soru ba Jornalista RCL hafoin halo abertura ba Socializasaun ne’ebé hala’o iha Salaun Kultural Lospalos Tersa ne’e.

Sorin seluk Prezidente Conselu Combatentes Libertasaun Nasional ga CCLN Municipiu Lautem, Aurelio Freitas Ribeiru hatete , ohin ne’e oportunidade diak ida ba Veteranu sira hodi bele hato’o preokupasaun ne’ebé sira infrenta iha baze , ba Sekretario Estadu Kombatentes Libertasaun Nasional atu nune’e bele esforsu hodi responde problema hirak ne’e.

“Ba Nai Veteranus no Veteranus sira, Maluk kombatentes, Familia martires Oan kiak no Feto Faluk, ohin ita hetan oportunidade diak ida ita sei iha ema ne’ebé mak diak tebe-tebes, iha kapasidade, iha matenek atu esforsu aan oinsa bele responde ita nia problema hirak ne’e, agora dadauk iha ona ita nia leet, hau hanesan prezidente CCLN Municípiu Laútém husu ba ita hot-hotu mai ita hamutuk ho konservasaun ida ke boot hodi rona no buka komprende halo tuir buat ne’ebé mak ita nia Sekretariu Estadu esplika, hodi nune’e ba future bele fo benefisu boot ba ita hotu no ba ita hotu nia gerasaun,” Aurelio Freitas Ribeiru hatete.

Entertantu: Socializsaun ne’ebe organiza iha Salaun Kultural Municípiu Laútém Tersa feria ne’e hetan Partisipa direita husi Sekretariu Estadu Asuntu Antigus Kombatentes Libertasaun Nasional, Prezidente Konselhu Veteranus Municipiu Lautem, Administrador Postu Administrativu Lospalos no Veteranu no Veterana sira iha Postu Administrativu Lospalos.

Jornalista:Ito

Editor:Nascimento Provincial

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x