RCL VP NEWS 06/12/2021
Tuir observasaun Sociedade Civil sira katak , Prosesu Dezenvolvimentu iha Municípiu Laútém ba tinan ida ne’e Kontinua Ladun La’o tamba sector sira sei nafatin infrenta problema fasilidades liu-liu sector Edukasun nian, ho nune’e parte relevantes sira tenke tau atensaun.
Directora ONG FUNERU, Juliana De Jesus, ba Jornalista RCL iha nia knar fatin Segunda Feira ne’e hatete, tuir sira nia hare katak, prosesu dezenvolvimentu tinan ida ne’e kompara ho Tinan hirak liu ba ne’e hanesan deit la iha mudansa tamba ne’e husu ba parte relevantes sira atu tau atensaun didiak.
“ita haré ba dezenvolvimentu tinan kotuk no tinan ida ne’e hau hanoin Ladun la’o, ita hare Estrada ne’e maka sira hala’o, liu-liu ba iha dezenvolvimentu iha ita nia municípiu durante tinan rua hau haré ba ladun la’o tamba ita mos ladun hatene tamba saida maka, osan mak la iha ga rekursu umanu mak la iha ga mais tuir hau nia haré buat sira ne’e la la’o duni,” hatete Julina de jesus ba Jornalista RCL iha nia knaar fatin Segunda Feira ne’e.
Juliana ne’e mos haktuir, Setor Edukasaun ne’e sira haré ba ladun iha Mudansa tamba Bazea ba sira nia rezultadu Peskiza hatudu katak, eskola sira nafatin infrenta problema kadeira, meja, livru, be’e mos no mos kondisaun uma eskola ne’ebé la favoravel ona.
“ita nia setor edukasaun ne’e, ita haré ba la iha tamba kanalizasaun be’e ba eskola eskola sira no mos ba fasilidade eskola nian mos menus liu-liu sasan partika nian, kadeira no meja sira inklui uma eskola ne’ebé a’at bebeik maibe la iha atensaun ruma husi parte relevantes sira,” Juliana haktuir.
Entertantu: Directora ONG FUNERU hatete, atu bele dezenvolve kada sector sira ne’e, guvernu tenke identifika problema sira ne’ebe kada sector sira infrenta atu nune’e bele halo palnu no tau orsamentu hodi dezenvolve diak liu tan iha future.
