Kona-bá Ami

Radio Comunidade Lospalos (RCL) hala`o ona nia transmisaun ba Komunidade Distrito Lautem, iha Loron 16 Maio 2000. Radio Comunidade Lospalos hanesan Radio Estasaun ida ne’ebe indepedente, la hetan benefisio (La ho Lukru) ruma husi komunidade no dezemvolve filosofia liu husi dedika Informasaun ba komunidade no sai hanesan baze fundamental ida iha area Informasaun ba Publiku Lokal.

Estasaun Radio Komunidade hari`i iha Distrito Lautem hetan Suporta husi UNESCO iha Ekipamentu maibe la inclui Finanseiro. Actividades hotu-hotu hala`o ho Voluntario. Tamba Radio Komunidade laiha fundus permanente ida husi doador local, nasional no Internasional.

Vizaun; Estabelese komunidade ne’ebe nakonu ho paz, dame, unidade, honestidade, demokratiku, sensibilidade ambiental no moris diak.

Misaun:

  • Haklaken lia los no lian momos hodi transforma pas no estabilidade iha komunidade.
  • Hato’o kuinesementu no hasae kapasidade komunidade liu husi Radio.
  • Sai kanal ba transformasaun informasaun.

Lista doadores ne’ebe uluk suporta RCL nia aktividades

  • Radio Comunidade Lospalos hari`I iha Kapital Distrito Lautem, hetan suporta husi UNESCO liu husi Treinamento baziku Jornalismo no ekipamentus Transmisaun.
  • Voluntario Radio komunidade hetan tan Treinamento husi INTERNEWS iha Dili iha tinan 2000.
  • APHEDA no Radio Komunidade 3CR iha Melbourne Australia suporta Voluntario na`in Rua ba halo estudu komparativu iha Melbourne Australia iha Tinan 2002
  • Estasaun Radio hetan mos finansiamentu husi UNHCR husi tinan 2000-2002 kona ba Programa Dezastre no Refuziadus.
  • Iha fulan Setembro 2001 RCL mos hetan suporta finanseiro husi UNDP ba Programa “Lian Feto Quinamoco iha Indepedençia Timor Leste”. Projecto ida ne`e Radio Comunidade Lospalos Konsege Produs Programa Pakote 4 no transmite ona ba feto sira iha Distrito Lautem no transmite mos iha Radio Komunidade sira ne’ebe iha teritoriu Timor tomak.
  • Iha fulan Novembro 2001 RCL hetan mos Finanseiro husi Agensia Internasional Assuntu ba Labarik UNICEF iha Timor Leste, ba Programa “Lian moco ba Futuru Indepedensia Timor Leste” no Transmite ona iha Estasaun RCL no iha Radio Komunidade iha Timor Leste nomos iha Radio Komunidade Melbourne Australia ka 3CR.
  • Iha fulan Julho 2002 RCL mos hetan suporta finanseiru husi UNDP kona ba Programa Educasaun Civica no konsege produs Radio Documenter ne’ebe foka liu ba Juventude no nia lala`ok iha Dezemvolvimento Timor Leste, Floresta, Meiu ambiente, Saude Ambiente, Hortikultura no Agricultura enjeral.
  • Iha fulan Dezembru 2002, RCL hetan tan Fundus husi USAID ba Programa “Lian Oan Funu”
  • Iha fulan Marsu 2003, RCL serviço konjunta ho Centro Radio Comunidade hala`o Programa Edukasaun Votantes ba Elisaun Chefe no Conchelo do Suco iha Distrito Lautem.
  • Ba fulan Setembro 2003, RCL mos hetan fundus Small Grand husi ONG CARE Internasional kona ba Programa Direito Labarik.
  • Ba fulan Julho 2004, RCL hetan suporta fundus husi UNICEF ba Programa Competisaun Drama kona ba Saude, Edukasaun no Kultura.
  • Iha fulan Janeiro 2005, RCL Mos hetan fundus husi Agensia IRLANDIA ba Programa Generu.
  • Iha fulan Setembro 2006, RCL hetan Fundus husi AusAid ba Programa Cultura no Tradisaun no Consege Produs Radio Domenter 12.
  • Iha Fulan Agustus 2007, RCL hetan tan Fundus husi Caritas Australia iha Timor Leste kona ba Programa Hari`i Dame (Peace Building)
  • Caritas Australia iha Timor Leste mos Suporta fundus ba Programa Prevensaun Violasaun Sexual husi Fulan Setembro 2007 – Setembro 2008.
  • Iha fulan Novembro 2008, Staff Radio Comunidade Lospalos hetan konfiansa husi Asia Pacific Journalist Centre ka APJC ne’ebe finansia husi AusAID hodi tuir Treino kona ba Editorial Leadership and Security in Post Conflict Timor Leste Iha Melbourne , Sydeny , no Camberra Australia durante Fulan ida.
  • Iha fulan Outubro 2008, Radio Comunidade Lospalos mos hetan Suporta finanseiru husi ONG PLAN Internasional kona ba Programa Juventude ba Hari`i Dame.
  • Fulan Janeiro 2009, RCL mos hetan fundus husi CARITAS AUSTRALIA hodi hala`o Kontinuasaun ba Programa Prevensaun Violasaun Sexual no Mane Hamenus Violensia Kontra Feto.
  • Fulan Janeiro 2010, RCL simu tan Fundus Husi Plan Timor Leste Kona ba programa Juventude (Hari’i Dame)
  • Hahu tinan 2012-2014, SECOMS liu husi diresaun CRC suporta operational Cost ba aktividades diareia RCL iha Munisipiu Lautem.
  • Tinan 2015 – 2018 SECOMS kontinua suporta orsamentu transferensia publiku